सार्वजनिक स्थलमा पाँचजनाभन्दा बढी भेला हुन रोक

काठमाडौं, वैशाख ६ : सरकारले सार्वजनिक स्थानमा पाँच जनाभन्दा बढी भेला हुन रोक लगाएको छ।

सोमबार बिहान बसेको मन्त्रिपरिषद् बैठकले जारी गरेको ‘नयाँ भेरियन्टसहितको कोरोना महामारी नियन्त्रण रोकथाम आदेश’ मा सार्वजनिक स्थानमा पाँच जनाभन्दा बढी भेला हुन नपाउने उल्लेख छ।

यस्तै वैशाखभरका लागि विवाह, ब्रतबन्ध, मलामीजस्ता कार्यमा २५ जनाभन्दा बढी सहभागी हुन रोक लगाइएको छ भने पार्टी प्यालेसहरू बन्द गर्ने निर्णय गरिएको छ।