१० रूसी कुटनीतिज्ञलााई प्रतिबन्ध गर्ने अमेरिकाको घोषणा  

वासिङटन, वैशाख ३ : अमेरिकाले दश रुसी कुटनीतिज्ञ, दर्जनौं कम्पनी र अन्य व्यक्तिहरुलाई प्रतिबन्ध लगाउने घोषणा गरेको छ ।

गत वर्ष अमेरिकको राष्ट्रपति चुनावमा हस्तक्षेप गरेको र संघिय एजेन्सीको वेब साइट ह्याक गरेको अरोपमा अमेरिकाले बिहीबार दश रुसी कुटनीतिज्ञ, दर्जनौं कम्पनी र अन्य व्यक्तिहरुलाई प्रतिबन्ध लगाउने घोषणा गरेको हो । 

अमेरिकी राष्ट्रपति जो बाइडेनले आफ्नो देशको प्रजातान्त्रिक प्रक्रियामा हस्तक्षेप गर्न खोज्ने जो कोहीलाई कारवाही गर्ने बताएका छन् । 

साइबर अपराधमा संग्लन ६ रूसी कम्पनीहरू, गत वर्षको चुनावमा हस्तक्षेप गर्ने दश कुटनीतिज्ञ र ३२ व्यक्तिमाथि प्रतिबन्ध लगाउने घोषणा गर्ने बाइडेनले बताएका छन् । 

रसियाले सबै आरोपहरू अस्वीकार गरेको र त्यही प्रकारको जवाफ दिने बताएको छ।