फुकुसिमा आणविक ऊर्जा केन्द्रको दूषित पानी समुद्रमा फाल्ने जापानको निर्णय 

टोकियो, चैत ३१ : जापान सरकारले जापानको फुकुसिमा प्रान्तमा रहेको आणविक ऊर्जा केन्द्रको १० लाख भन्दा बढी दूषित पानी समुद्रमा छोड्ने निर्णय गरेको छ । मंगलबार फुकुसिमा आणविक ऊर्जा केन्द्रको दूषित पानी समुद्रमा छोड्ने निर्णय जापान सरकारले गरेको हो । 

जापान सरकारले आणविक उर्जा केन्द्रको दूषित पानी छोड्ने काम लगभग दुई बर्षमा शुरू हुने र सम्पूर्ण पानीलाई समुद«मा छोड्ने प्रक्रिया दशक लाग्ने बताएको छ । 

टोकियो विद्युत कम्पनी जसले यो आणविक ऊर्जा केन्द्र संचालन गरेको छ, समुद्रमा पानी छाड्ने प्रक्रियालाई व्यवस्थापन गर्नेछ । 

‘स्थापित नियामक मापदण्डको कडा अनुपालनको आधारमा हामीले समुद्रीमा दूषित पानी छाडने निर्णय गरेका हौं,’ जापान सरकारले विज्ञप्तिमा जनाएको छ । 

चीनको विदेश मन्त्रालयले एक विज्ञप्तिमा यस कदमलाई ‘अत्यन्त गैरजिम्मेवारपूर्ण’ र चीनले कारवाही गर्न सक्ने बताएको छ । दक्षिण कोरिया सरकारले यो योजना ‘पूर्ण रूपमा अस्वीकार्य’ रहेको बताएको छ ।