बन्दुकधारीद्वारा नाइजरमा १३७ को हत्या

नियामे, चैत १० : अफ्रिकी मुलुक नाइजरको दक्षिणपश्चिमी गाउँमा बन्दुकधारी समूहहरूले एक सय ३७ जनाको ज्यान लिएका छन्।

मोटरसाइकलमा आएका बन्दुकधारीहरूले अन्धाधुन्द गोली चलाउँदै सर्वसाधारणको हत्या गरेका हुन्।

उनीहरूले मालीको सिमानानजिकका इन्टजायेन, बाकोरोत र विस्टिन गाउँमा आक्रमण गरेका थिए।

‘नागरिकहरूलाई लक्षित गर्ने यी हतियारधारी समूहले क्रुरताको हद पार गरेका छन्,’ सरकारी प्रवक्ता जकारिया अब्दुरहमानले भने, ‘घटनाको अनुसन्धान भइरहेको छ।’