अस्ट्रेलियाका बाढी प्रभावितलाई आपतकालीन राहत घोषणा

काठाडौं, चैत १० : अस्ट्रेलियाका न्यु साउथ वेल्समा भीषण वर्षापछि आएको बाढीबा प्रभावितहरुलाई आपतकालिन राहत घोषणा गरिएको छ। प्रधानमन्त्री स्कट मारिसनले आइतबार फेसबुकमार्फत न्यू साउथ वेल्सका बाढी प्रभावितलाई आपतकालिन राहत घोषणा गरेका हुन् ।

प्रधानमन्त्री मारिसनले आपतकालिन राहत स्वरुप प्रतिव्यक्ति वयस्कका लागि एक हजार अस्ट्रेलियन डलर, बच्चाहरूका लागि ४ सय अस्ट्रेलियन डलर दिने घोषणा गरेका छन् । सो आपतकालिन राहत संघीय सरकारले उपलब्ध गराउने उनले बताएका छन् । अष्ट्रेलियाको संघीय सरकारले ठूलो चोटपटक लागेका, बाढीबाट घरबारबिहनि भएकाहरुका लागि आपतकालिन राहत अभियान चलाइरहेको छ।

न्यू साउथ वेल्स र संघीय सरकारले मध्य र मध्य उत्तर तटमा सिड्नीको नजिकको हन्टर उपत्यकादेखि कोफको हार्बरसम्मका १६ स्थानलाई प्राकृतिक प्रकोप प्रभावित क्षेत्र घोषणा गरेको छ।  बाढीका कारण न्यु साउथ वेल्समा २० हजारबढी मानिस विस्थापित भएका छन्।