आजको मौसम : केहि स्थानमा बर्षाको सम्भावना 

काठमाडौ, चैत्र ९ : स्थानीय र पश्चिमी वायुको प्रभावले आज मुलुकका विभिन्न स्थानमा वर्षा हुने सम्भावना रहेको छ ।

हाल देशका पहाडी भूभागमा आंशिक बदली रही अन्य स्थानको मौसम सामान्यतया सफा रहेको छ ।

आज अपराह्नपछि गण्डकी प्रदेश,कर्णाली र सुदूरपश्चचिम प्रदेशका थोरै  स्थानहरु र बाँकी प्रदेशका पहाडी भूभागमा मेघगर्जन चट्टयाङसहित हल्का वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।

मंगलबार र बुधबार पनि पहाडी भेगमा वर्षाको पूर्वानुमान गरिएको महाशाखाले विहान जारी गरेको तीन दिनको मौसम पूर्वानुमान बुलेटिनमा उल्लेख छ ।