भाडा नबढाए  गाडी थन्क्याउने व्यवसायीको चेतावनी 

काठमाडौं, चैत ५ : यातायात व्यवसायीहरुले भाडा नबढाए सवारी साधन थन्क्याउने चेतावनी दिएका छन् ।

बिहीबार भौतिक पूर्वाधार तथा यातायातमन्त्री बसन्त नेम्वाङसँगको भेटमा नेपाल यातायात व्यवसायी राष्ट्रिय महासंघले चैत तेस्रो हप्तासम्म भाडा नबढाए सवारी साधन थन्क्याउन बाध्य हुने बताएका हुन् । 

पटक पटक पेट्रोलियम पदार्थको मूल्य वृद्धि भइसकेको भन्दै यातायात व्यवसायीहरुले मन्त्री नेम्वाङसँग यातायातको भाडा बढाउन आग्रह गरेका छन् । 

महासंघका अध्यक्ष योगेन्द्र कर्माचार्य र महासचिव सरोज सिटौलाले मन्त्री नेम्वाङलाई बिहीबार भेटेका थिए ।