देशभर एक करोड ६२ लाख मतदाता, कुन जिल्लामा कति? (सूचीसहित)

काठमाडौं, चैत ४ : नेपालमा मतदाताको संख्या एक करोड ६२ लाख ४३ हजार एक सय १० पुगेको छ।

बुधबार निर्वाचत आयोगले देशभरका मतदाताको संख्या सार्वजनिक गरेको हो। आयोगका अनुसार सबैभन्दा बढी मतादाता मोरङमा र सबैभन्दा कम मतदाता मनाङमा रहेका छन्।

देशभर ८२ लाख ११ हजार ९५४ जना पुरुष मतदाता र ८० लाख ३० हजार ९८४ महिला मतदाता रहेका छन्। यसैगरी तेश्रो लिङ्गी मतदाताको संख्या १७२ रहेको छ।

आयोगका अनुसार मोरङमा ६ लाख ६९ हजार ४९० मतदाता रहेका छन्। त्यस्तै, मनाङमा ५ हजार ९७६ मतदाता रहेका छन्।

प्रधानमन्त्री केपी शर्मा ओलीले पुस ५ गते प्रतिनिधिसभा विघटन गर्ने निर्णय गरेपछि मतदाता नामावली संकलन र अध्यावधिक गर्न थालिएको थियो। सर्वोच्च अदालतले फागुन ११ गते संसद् विघटन गर्ने निर्णय बदर गरेपछि मतदाता नामावली संकलन र अध्यावधिक कार्य रोकिएको आयोगले जनाएको छ।