नागरिक अगुवाको ‘लोकतन्त्र मार्च’ (फोटो फिचर)

काठमाडौं, फागुन २३ : बृहत नागरिक आन्दोलनले सांसद्हरुलाई खबरदारीग गर्दै आइतबार माइतीघरदेखि संसदभवन बानेश्वरसम्म विरोध प्रदर्शन गरेका छन् ।

‘लोकतन्त्र मार्च’ नाम दिएको विरोध प्रदर्शनमा सांसद्हरुलाई खबरादारी गरिएका प्लेकार्ड बोकेका थिए । प्लेकार्डमा ‘सांसदका गरिमा कायम गर, संसद विघठन ठीक भन्ने सांसदलाई भवनको ढोकामा १ सय पटक उठबस गराए प्रवेश गर्न दिनुपर्छ’ जस्ता नारा लेखिएको थियो ।

माइतीघरबाट सुरु भएको बृहत नागरिक आन्दोलनले बानेश्वरमा विरोध सभा पनि गरेको थियो । प्रदर्शनमा सहभागीहरुले आँखामा पट्टी, हात र खुट्टामा सिक्री बाँधेर नाट्य प्रस्तुति समेत गरेका थिए ।