प्रचण्ड-नेपाल समूहले दलको नेता परिवर्तन गरेको सूचना दर्ता गर्न संसद सचिवालयद्वारा अस्वीकार

काठमाडौं, फागुन २३ : संसद सचिवालयले नेपाल कम्युनिस्ट पार्टी (नेकपा) प्रचण्ड-नेपाल समूहले संसदीय दलको नेता परिवर्तन गरेको सूचना दर्ता गर्न अस्वीकार गरेको छ।

आज (आइतबार) सो समूहका अध्यक्षद्वय पुष्पकमल दाहाल ‘प्रचण्ड’ र माधवकुमार नेपाल तथा वरिष्ठ नेता झलनाथ खनाल आफूपक्षीय सांसदसहित संसदीय दलको नेता परिवर्तन गरेको औपचारिक जानकारी संसद सचिवालयलाई गराएका थिए।

प्रचण्ड-नेपाल समूहले शुक्रबार बहुमत सांसदको उपस्थितिमा संसदीय दलको नेता पुष्पकमल दाहाल ‘प्रचण्ड’ लाई चयन गरेको सूचनामा उल्लेख छ।