तश्नुभा बंगलादेशमा पहिलो तेस्रो लिङ्गी समाचार वाचिका 

काठमाडौं, फागुन २३ : बंगलादेशमा एक निजी च्यानलले तेस्रो लिङ्गी समाचार वाचिका नियुक्त गरेको छ। 

तश्नुभा अनन शिशिर बंगलादेशको पहिलो तेस्रो लिङ्गी समाचार वाचिका बनेकी छिन् । उनलाई बोइसाखी टिभीले समाचार वाचिकाका रुपमा नियुक्त गरेको छ । 

तश्नुभाले  मार्च ८ (अन्तर्राष्ट्रिय महिला दिवस) बाट समाचार वाचिकाका रुपमा काम सुरु गर्ने बताइएको छ ।  गत शुक्रबार एक टिभी समाचार च्यानलले यो घोषणा गरेको हो । 

तश्नुभा अनन एक मोडेल र अभिनेता हुन् । उनले सन् २००७ मा रंगमञ्च समुह नटुवाबाट आफ्नो क्यारियर सुरू गरेकी थिइन् ।

बंगलादेश स्वतन्त्र भएको ५० वर्षपुगेको अवसरमा बोइसाखी टिभीले तेस्रो लिङ्गी समाचार वाचिका नियुक्ति गरेको हो । च्यानलले  नियमित प्रसारण गर्दै आएको नाटकको मुख्य पात्रका रूपमा तेस्रो लिङ्गी नुसरत मौलाई नियुक्त गरेको छ ।