कांग्रेस नेता नवीन्द्रराज जोशीलाई मस्तिष्कघात, नर्भिकमा उपचार हुँदै

काठमाडौं, फागुन १४: नेपाली कांग्रेसका नेता तथा पूर्वमन्त्री नवीन्द्रराज जोशीलाई मस्तिष्कघात भएको छ। शुक्रबार बिहान मस्तिष्कघात भएका जोशीको थापाथलीस्थित नर्भिक अस्पतालमा उपचार भइरहेको छ।

स्वास्थ्यमा समस्या देखिएपछि उनलाई वीर अस्पताल लगिएको थियो । मस्तिष्कमा रगत जमेको पाइएपछि थप उपचारका जोशीलाई शुक्रबार बिहानै नर्भिक लगिएको हो।

५७ वर्षीय जोशीको अपरेशनको तयारी भइरहेको बताइएको छ।

वरिष्ठ नेता रामचन्द्र पौडेल र पूर्वमहामन्त्री प्रकाशमान सिंह नर्भिक अस्पताल पुगेर जोशीको स्वास्थ्य अवस्थाका बारेमा जानकारी लिएका छन् भने सभापति शेरबहादुर देउवाले ट्वीटरमार्फत जोशीको शीघ्र स्वास्थ्य लाभको कामना गरेका छन्।