मकवानपुरमा प्रहरीमाथि स्थानीयको आक्रमण
शनिबार साँझ साढे ५ बजे राक्सिराङ गाउँपालिका–१ स्थित गाल्छाराङस्थित बारीमा लुकाइ राखेको १८ क्विन्टल गाँजा जलाएर नष्ट गरी इलाका प्रहरी कार्यालयका, नेवारपानीबाट खटिएको टोलीमाथि हातपात भएको हो ।
मकवानपुर, फागुन ९ : मकवानपुरमा प्रहरी टोलीमाथि स्थानीयले हातपात गरेका छन् ।
शनिबार साँझ साढे ५ बजे राक्सिराङ गाउँपालिका–१ स्थित गाल्छाराङस्थित बारीमा लुकाइ राखेको १८ क्विन्टल गाँजा जलाएर नष्ट गरी इलाका प्रहरी कार्यालयका, नेवारपानीबाट खटिएको टोलीमाथि हातपात भएको हो ।
जिल्ला प्रहरी कार्यालय मकवानपुरका अनुसार कुपिनटार स्थित सडकमा स्थानीयहरूले अवरोध गरेका थिए।
प्रहरी तथा प्रहरीको गाडीमा हातपात गरेको र स्थितिलाई नियन्त्रणमा लिन दुई राउन्ड हवाइ फायरसमेत गरेको प्रहरीले जनाएको छ ।
कुपिनटारबाट १५ किलो गाँजा र १४ किलो भाङ बेवारिसे अवस्थामा बरामद गरेको जिल्ला प्रहरी कार्यालय मकवानपुरले जनाएको छ ।
प्रहरीले यससम्बन्धी थप अनुसन्धान गरिरहेको छ।
प्रकाशित मिति: १३:५४ बजे, आइतबार, फागुन ९, २०७७
प्रतिक्रिया दिनुहोस्
थप समाचार
