आधिकारीकता माग गर्दै निर्वाचन आयोग जाने तयारीमा दाहाल–नेपाल समूह

काठमाडौं, फागुन ७ : नेकपा दाहाल–नेपाल समूहको केन्द्रीय कमिटी बैठक दिउँसो पार्टी केन्द्रीय कार्यालय पेरिसडाँडामा बस्दैछ ।

बैठकमा केन्द्रीय कमिटीका सदस्यहरुको नागरिकता, हस्ताक्षरसहित दाहाल–नेपाल पक्षको आधिकारिकता माग गर्दै निर्वाचन आयोग जाने विषयमा छलफल हुने बताइएको छ । 

केन्द्रीय कमिटी बैठक बस्नुअघि नेकपा दाहाल–नेपाल समूहको स्थायी कमिटी बैठक बस्नेछ । आफूसँग स्पष्ट बहुमत हुँदा पनि आयोगले आधिकारिकता नदिएपछि दाहाल–नेपाल पक्षले केन्द्रीय कमिटीका नेताहरुको नागरिकता र हस्ताक्षर आयोगलाई बुझाउने तयारी गरेको हो ।

दाहाल–नेपाल समूहले आधिकारिकताका माग गर्दै फेरि आयोगमा निवेदन समेत दिएको छ । तरनिर्वाचन आयोगले भने कुनै निर्णय गरेको छैन् ।