मन्त्रिपरिषदका निर्णय सार्वजनिक, २० लाख डोज कोभिसिल्ड खोप खरिद गरिने

काठमाडौं, फागुन ६ :  नेपाल सरकारले फागुन ४ गते बसेको मन्त्रिपरिषद् बैठकका निर्णय सार्वजनिक गरेको छ । आज पत्रकार सम्मेलन गरेर सञ्‍चार तथा सूचना प्रविधिमन्त्री पार्वत गुरुङले मन्त्रिपरिषद् बैठकका निर्णय सार्वजनिक गरेका हुन् ।

सरकारले सबै नागरिकलाई निःशुल्क कोरोनाविरुद्धको खोप उपलब्ध गराउन बीस लाख डोज कोभिसिल्ड खोप सोझै खरिद गर्न सक्ने गरी बाधा अड्काउ फुकाउन आदेश जारी गर्ने निर्णय गरेको छ ।

‘सोको सूचना प्रधानमन्त्री तथा मन्त्रिपरिषद्को कार्यालयले अतिरिक्तांक गरी नेपाल राजपत्रमा प्रकाशन गर्ने,’ निर्णयमा उल्लेख छ ।

त्यस्तै माघ १५ र १९ गतेकाे निर्णय पनि सार्वजनिक गरिएकाे छ ।