प्रचण्ड–माधव पक्षले मानव साङ्लो बनाएर विरोध गर्दै

काठमाडौं, फागुन ६ : नेपाल कम्युनिष्ट पार्टी नेकपाको प्रचण्ड–माधव पक्षले आज काठमाडौँमा विरोध प्रदर्शन गर्दैछ।

दिउँसो ४ देखि ५ बजेसम्म टुँडिखेलमा मानव साङ्लो बनाएर विरोध प्रदर्शन गर्न लागेको हो । चौथो चरणको संघर्षका कार्यक्रम अन्तरगत काठमाडौंमा मानव साङ्लो प्रदर्शन गर्नुका साथै विभिन्न जिल्लामा विरोध प्रदर्शन र सभा पनि जारी नै रहने प्रचण्ड माधव पक्षले जनाएको छ ।

गत माघ २८ गते तेस्रो चरणका कार्यक्रम सम्पन्न गरेको प्रचण्ड–माधव समूहले हिजोदेखि चौथो चरणको विरोधका कार्यक्रम सुरु गरेको हो। चौथो चरणका सम्पूर्ण विरोध कार्यक्रमहरु फागुन १५ गते सकिने जनाइएको छ।