वरिष्ठ अधिवक्ता कार्कीको राय– संविधानमा के लेख्या छ, त्यति मात्र हेर्नुपर्छ

काठमाडौं, फागुन ४ :  वरिष्ठ अधिवक्ता बद्रीबहादुर कार्कीले संविधानमा लेखिएको व्यवस्थालाई आधार मानेर प्रतिनिधिसभा विघटनको मुद्दाको फैसला गर्नुपर्ने राय पेस गरेका छन् । आज वरिष्ठ अधिवक्ता कार्कीले एमिकस क्युरीका तर्फबाट राय दिने क्रममा संविधानभन्दा अन्त हेर्न नहुने राय पेस गरेका हुन् ।

उनले भने, ‘प्रतिनिधिसभा विघटन मुद्दामा निर्णय दिँदा संविधानमा के लेख्या छ, त्यति मात्र हेर्नुपर्छ, अन्त हेर्ने होइन । एउटा लेख्या छ, अर्को होला भन्न पनि पाइन्न । जे लेख्या छ,  त्यही हेर्ने हो ।’

त्यस्तै उनले संविधान बनाउनेहरु संविधान धरापमा पर्‍यो भन्दै सडकमा उत्रिएकाले संस्था जोगाउनु मुख्य कुरा भएको बताए ।