बाइडेनको आगमनसँगै अमेरिकामा टिकटकमाथिको प्रतिबन्ध हटाउने तयारी
अमेरिका, फागुन ४ ः अमेरिकामा टिकटकमाथिको प्रतिबन्ध हटाउने तयारी भएको छ । जो बाइडेनको आगमनसँगै टिकटकमाथिको प्रतिबन्ध हटाउने तयारी भएको हो ।चिनियाँ विश्लेषकले बाइडेन...
अमेरिका, फागुन ४ ः अमेरिकामा टिकटकमाथिको प्रतिबन्ध हटाउने तयारी भएको छ । जो बाइडेनको आगमनसँगै टिकटकमाथिको प्रतिबन्ध हटाउने तयारी भएको हो ।
चिनियाँ विश्लेषकले बाइडेन प्रशासनले बुद्धिमानी कदम सुरु गरेको टिप्पणी गरेका छन् । उनका अनुसार यस निर्णयबाट भिडियो साझा गर्ने एपको वृद्धिसँगै बढ्दो टेक्नोलोजी प्लेटफर्म, युएस इन्टरनेट क्षेत्रको सीमा विस्तार गरेर अर्थ व्यवस्थामा डेभलपर र प्रयोगकर्ताका लागि नयाँ अवसर सिर्जना गर्छ ।
साउथ चाइना मर्निङ पोस्टको एक रिर्पाेटअनुसार टिकटकको मूल कम्पनी बाइटडान्सले ट्रम्पको बाहिर्गमनसँगै सम्पत्ति बेच्ने योजना बदलेको छ ।
‘यो सम्झौता मुख्य रूपले ट्रम्प प्रशासनको मागलाई पूरा गर्न डिजाइन गरिएको थियो तर ट्रम्प गइसकेका छन् र डिल पनि रद्द भएको छ,’ स्रोतले भन्यो ।
पूर्वअमेरिकी राष्ट्रपति डोनाल्ड ट्रम्पले राष्ट्रिय सुरक्षाको विषय देखाएर अमेरिकी कम्पनी वा अमेरिकी कम्पनीको समूहलाई टिकटक बेच्न आदेश दिएका थिए । त्यतिबेला ओराकल र वालमार्टले माइक्रोसफ्टलाई उछिन्दै टिकटक किन्न पहिलो स्थान लिएका थिए ।
२०२० मा अमेरिकी मोबाइल एपको श्रेणीकरणमा टिकटक पहिलो स्थानमा थियो । हाल अमेरिकामा १० करोडभन्दा बढीले टिकटक प्रयोग गर्छन् । यो संख्या अमेरिकी जनसंख्याको एक तिहाइ हो ।
