भारतमा ८० लाखभन्दा बढीले लगाए कोभिड–१९ विरुद्धको खोप 

नयाँ दिल्ली, फागुन १ : भारतमा  ८० लाख ५२ हजारभन्दा बढीले कोभिड–१९  विरुद्धको खोप लगाएका छन् । 

नयाँ दिल्लीमा सञ्चारकर्मीलाई सम्बोधन गर्दै स्वास्थ्य मन्त्रालयका सहसचिव डा. मनदीप भण्डारीले भने, ‘पहिलो डोज खोप लगाउनेलाई आजबाट दोस्रो डोज दिइएको छ ।  ७ हजार ६ सय ६८ स्वास्थ्यकर्मीले दोस्रो डोज लगाएका छन् ।’ 

उनका अनुसार ५९ लाखभन्दा बढी स्वास्थ्यकर्मी र २१ लाखभन्दा बढी फ्रन्टलाइन कामदारलाई खोप लगाइएको छ । 

स्वास्थ्य मन्त्रालयका अनुसार हालसम्म ३४ जनालाई कोभिड–१९ को खोप दिएपछि समस्या देखिएकाले अस्पतालमा भर्ना गरिएको थियो तर २१ जना डिस्चार्ज भइसकेका छन् ।