कोरोना संक्रमणबाट थप २ जनाको मृत्यु

काठमाडौं, माघ २७ : नेपालमा कोरोना संक्रमणको कारण थप २ जनाको मृत्यु भएको छ। 

स्वास्थ्य तथा जनसंख्या मन्त्रालयको अनुसार मंगलबार देशभर कोरोना संक्रमण्को कारण थप २ जनाको मृत्यु भएको हो। योसहित नेपालमा कोरोना संक्रमणबाट मृत्यु हुनेको संख्या २ हजार ४७ पुगेको छ। 

मन्त्रालयका अनुसार मंगलबार चार हजार ३०९ जनामा गरिएको परीक्षणमा थप १६० जनामा कोरोना संक्रमण पुष्टि भएको छ। 

संक्रमितमध्ये ६१ महिला र ९९ जना पुरुष रहेका छन्। योसहित नेपालमा कोरोना संक्रमितको संख्या २ लाख ७२ हजार २१५ पुगेको छ। 

यो अवधिमा १६५ जना कोरोनामुक्त भएका छन्। योसहित नेपालमा कोरोनामुक्त हुनेको संख्या २ लाख ६८ हजार ४३१ पुगेको छ।

मन्त्रालयका अनुसार नेपालमा कोरोनामुक्त हुने दर ९८.६ प्रतिशत रहेको छ।