स्रोत नखुलेको  ४९ लाखसहित दुई जना पक्राउ

बारा, माघ २५ : स्रोत नखुलेको ४९ लाख रुपैयाँसहित दुई जना पक्राउ परेका छन् । बाराको फेटा गाउँपालिका–५ जोतपुरबाट स्रोत नखुलेको नगद ४९ लाख रुपैयाँसहित भारतका २६ वर्षीय अरबिन्द महतोसहित दुई जना शनिबार दिउँसो पक्राउ परेका हुन् ।

अस्थायी प्रहरी पोस्ट जोतपुरबाट खटिएको प्रहरीले भारतबाट नेपालतर्फ आउँदै गरेको बिआर ०५ वाई ६४१७ नम्बरको मोटरसाइकल जाँच गर्दा उक्त रकम फेला पारी चालक महतोलाई मोटरसाइकलसहित पक्राउ गरेको हो । 

प्रहरीले उनीहरुमाथि थप अनुसन्धान गरिरहेको छ ।