काठमाडौं उपत्यकामा थप ५५ जनामा कोरोना संक्रमण पुष्टि

काठमाडौं, माघ २१ : काठमाडौं उपत्यकामा थप ५५ जनामा कोरोना संक्रमण पुष्टि भएको छ। 

स्वास्थ्य तथा जनसंख्या मन्त्रालयको अनुसार संक्रमितमध्ये भक्तपुरमा ३, ललितपुरमा ८ र काठमाडौंमा ४४ जना रहेका छन्। 

तीन हजार ५९७ नमुना परीक्षण हुँदा बुधबार देशभर थप १४२ जनामा कोरोना संक्रमण पुष्टि भएको मन्त्रालयले जनाएको छ। 

योसहित नेपालमा कोरोना संक्रमितको संख्या २ लाख ७१ हजार ४३१ पुगेको छ। 

त्यस्तै, यो अवधिमा २०६ जना कोरोनामुक्त भएका छन्। योसहित नेपालमा कोरोनामुक्त हुनेको संख्या २ लाख ६७ हजार ६५ पुगेको मन्त्रालयले जनाएको छ। 

नेपालमा हालसम्म कोरोनामुक्त हुनेको दर ९८.४ प्रतिशत रहेको मन्त्रालयले जनाएको छ।