फुटबलर बुढाथोकीलाई 'आइलिग' खेल्ने अवसर
नेपालका लोकप्रिय राष्ट्रिय फुटबल खेलाडी प्रकाश बुढाथोकीले एसियाकै प्रतिष्ठित मानिने भारतको आइलिग खेल्ने अवसर पाएका छन् । भारतको मणिपुरस्थित नेरोका एफसीमा अनुबन्धित भएपछि उनले उक्त अवसर पाएका हुन् ।
काठमाडौं, माघ १९ : नेपालका लोकप्रिय राष्ट्रिय फुटबल खेलाडी प्रकाश बुढाथोकीले एसियाकै प्रतिष्ठित मानिने भारतको आइलिग खेल्ने अवसर पाएका छन् । भारतको मणिपुरस्थित नेरोका एफसीमा अनुबन्धित भएपछि उनले उक्त अवसर पाएका हुन् ।
आइलिग भारतको ‘ए’ डिभिजन क्लबहरु खेल्ने राष्ट्रिय लिग हो । धरान उपमहानगरपालिका–२० पटनाली निवासी बुढाथोकीलाई धरान फुटबल क्लबले आज बिदाइ गरेको छ ।
एन्फा १ नं प्रदेश अध्यक्ष तथा क्लबका अध्यक्ष किशोर राईले सफलताको शुभकामना दिँदै बिदाइ गरे । क्लबले उनलाई ८ हजार नगद पनि प्रदान गरेको थियो ।
प्रकाशित मिति: १९:१२ बजे, सोमबार, माघ १९, २०७७
प्रतिक्रिया दिनुहोस्
थप समाचार
