प्रचण्डले शिलान्यास गरेको राप्ती नदीको पुल प्रधानमन्त्री ओलीले उद्घाटन गर्ने 

काठमाडौं, माघ १२ : तत्कालीन प्रधानमन्त्री पुष्पकमल दाहाल प्रचण्डले शिलान्यास गरेको राप्ती नदीको पुल प्रधानमन्त्री ओलीले उद्घाटन गर्ने भएका छन् ।

लुम्बिनी प्रदेशको स्थायी राजधानीस्थित तत्कालीन प्रधानमन्त्री प्रचण्डले शिलान्यास गरेको राप्ती नदीमा बनेको पक्की पुलको उद्घाटन आज सोमबार प्रधानमन्त्री ओलीले शिलान्यास गर्न लागेका हुन् । पुल उद्घाटन कार्यक्रमको सबै तयारी पुरा भएको भौतिक पूर्वाधार तथा यातायात मन्त्रालयले बताएको छ ।

गत बर्ष नै राप्ती गाउँपालिकाको सिसहनियाँ र गढवा गाउँपालिकाको महदेवा जोड्नेगरी नेपालकै दोस्रो लामो पक्की पुल निर्माण भएको थियो । झण्डै एक वर्ष अघि निर्माण सम्पन्न भएको पुलको उद्घाटन गर्न प्रधानमन्त्री केपी शर्मा ओली दाङ आउने लागेका हुन् । प्रचण्डले २०७३ मंसिर २२ गते पुलको शिलान्यास गरेका थिए ।

पूर्वनिर्धारित समयभन्दा चार महिना अगाडि नै निर्माण सम्पन्न भएको पुलको लम्बाइ ८६० मिटर र चौडाइ साढे १० मिटर छ । उक्त पुल करिब एक अर्ब रुपैयाँ लागतमा बनेको हो ।