राधिका थापा बनिन् वारफेयर तालिम सम्पन्न गर्ने पहिलो महिला  

काठमाडौं– राधिका थापा  प्रतिविद्रोह तथा जंगल युद्धकला तालिम सम्पन्न गर्ने पहिलो महिला बनेकी छिन् ।  नेपाली सेनाकाे वार फेयर शिक्षालयमा २०७७ कात्तिक  १८ गतेदेखि  माघ ६ गतेसम्म सञ्चालित  तालिम सम्पन्न गरेर थापा वार फेयर तालिम सम्पन्न गर्ने पहिलो महिला बनेकी हुन् ।

नेपाली सेनाको विज्ञप्तिमा उल्लेख छ, ‘प्रतिविद्रोह तथा जंगल युद्धकला तालिम सफलतापूर्वक सम्पन्न गरी साहस र जिम्मेवारीको एउटा उल्लेखनीय उदाहरण प्रस्तुत गरेकी   छन् ।'

तीन महिनासम्म चल्ने अत्यन्तै कठिन तालिमका रुपमा लिइएको उक्त तालिममा जंगल नेभिगेसन, धराप निर्माण गर्ने, सर्पदंश व्यवस्थापनलगायत  सैनिक ज्ञानसीपहरु सिकाइन्छ । 

थापा सिन्धुपाल्चोकको  मेलम्ची नपा–२ थापाटोल निवासी हुन् । उनी २०६९ असार  १५ गते नेपाली सेनाको सैन्य दर्जामा भर्ना भएकी थिइन् ।