मुलुकभरको मौसम क्रमिक रूपमा सुधार, काठमाडौंको तुवालो पनि हट्यो 

काठमाडौ, पुस २३ : पश्चिमी वायुको प्रभाव कम हुँदै जाँदा मुलुकभरको मौसम क्रमिक रूपमा खुल्दै गएको छ ।

बुधबार दिउँसोबाट मौसम खुल्दै जाँदा तापक्रम बढेको छ भने घाम लागेपछि प्रदुषित वायुले लागेको तुवालो समेत काठमाडौँ उपत्यकाबाट बाहिरिएको छ ।

अझै पनि देशमा पश्चिमी वायुको सामान्य प्रभाव रहँदा  पहाडी भूभागमा आंशिक  बदलीको अवस्था रहेको तथा बाँकी भूभागमा मौसम सामान्यतया सफा रहेको जल तथा मौसम पूर्वानुमान महाशाखाले जनाएको छ ।

सुदूरपश्चिम प्रदेश र प्रदेश नं १ को उच्च पहाडी तथा हिमाली भूभागका एक वा दुई स्थानमा हल्का हिमपातको सम्भावना रहेको छ।