पोखरामा कोरोना संक्रमणबाट दुई बृद्धको मृत्यु
पोखरा, पुस १ : कोरोना भाइरसको संक्रमणबाट पोखरामा दुई जनाको मृत्यु भएको छ।पोखरास्थित फिस्टेल अस्पतालमा उपचाररत एक जनाको आज बिहान र एक जनाको...
पोखरा, पुस १ : कोरोना भाइरसको संक्रमणबाट पोखरामा दुई जनाको मृत्यु भएको छ।
पोखरास्थित फिस्टेल अस्पतालमा उपचाररत एक जनाको आज बिहान र एक जनाको गएराति मृत्यु भएको हो। मृत्यु हुनेमा पोखरा महानगरपालिका-१२ र पोखरा महानगरपालिका-१ का बृद्ध रहेका छन्।
अस्पतालका अनुसार पोखरा-१२ का ८४ वर्षीय वृद्धको उपचारको क्रममा आज बिहान ५ः४५ बजे मृत्यु भएको हो। उनलाई मंसिर २३ गते कोरोना संक्रमण देखिएको थियो।
त्यस्तै, पोखरा-१ का ७६ वर्षीय बृद्धको गएराति १०ः२० बजे मृत्यु भएको अस्पतालले जनाएको छ। उनलाई मंसिर २५ गते कोरोना संक्रमण देखिएको थियो। दुवै जना मिर्गौला रोगबाट पीडित रहेको जनाएको छ।
प्रकाशित मिति: १९:२१ बजे, बुधबार, पुस १, २०७७
प्रतिक्रिया दिनुहोस्
थप समाचार
