चिनी उद्योगीसँग वार्ता गर्दै उद्योग मन्त्रालय 

काठमाडौं, मंसिर २९ : सरकारले उखु किसानको भुक्तानी गर्ने सम्बन्धमा छलफल गर्न चिनी उद्योगीहरुलाई बोलाएको छ। उद्योग, वाणिज्य तथा आपूर्ति मन्त्रालयले किसानको भुक्तानी र समस्या समाधान गर्न चिनी उद्योगीहरुलाई दिउँसो दुई बजे छलफलको लागि बोलाएको हो।

रौतहट र सर्लाहीका उखु किसानले उखुको भुक्तानी पाँऊ भन्दै आइतबारदेखि माइतीघरमा आन्दोलन थालेका छन्।  चिनी मिलले किसानको ९० करोड रुपैयाँ भुक्तानी गर्न बाँकी रहेको छ। 

छलफलमा उद्योगमन्त्री लेखराज भट्ट, उद्योग र वाणिज्यतर्फका सचिवहरु तथा मन्त्रालयको वाणिज्य हेर्ने प्रतिनिधि उद्योगीहरुकोसहभागिता रहने छ। 

मन्त्रालयले आन्दोलनरत किसानलाई समेत वार्तामा बोलाएको थियो। तर उनीहरुले आफूहरुको बक्यौता रकम लिएर माइतीघरमा मन्त्री आउनुपर्ने बताएका छन्।