प्रिमियर लिगमा एभर्टनले चेल्सीलाई हरायो 

काठमाडौं, मंसिर २८ : इंग्लीश प्रिमियर लिग फुटबलमा एभर्टनले चेल्सीलाई हराएको छ ।

गएराती सम्पन्न खेलमा एभर्टनलाई विजयी गराउन गिल्फी सिगुर्डसनले पेनाल्टीमार्फत निर्णायक गोल गरे । हारसँगै चेल्सीले प्रिमियर लिगको शिर्ष स्थानमा उक्लिने अवसर गुमाएको हो ।

गएराति नैं भएको अर्को खेलमा म्यानचेस्टर युनाइटेड र म्यानचेस्टर सिटीले गोलरहित बराबरी खेल्दै एक एक अंक बाडेका छन् ।

प्रिमियर लिगकै अन्य खेलहरुमा न्युकासल युनाईटेडले वेष्ट ब्रोमलाई २–१ ले हराउँदा एस्टन भिल्लाले वुल्भरह्याम्पटन वान्डरर्समाथि १–० को जित निकालेको छ ।