कर्णालीका थप एक सय ६ जनामा कोरोना संक्रमण पुष्टि

काठमाडौं, जेठ २२ : कर्णाली प्रदेशमा बिहीबार मात्र एक सय सय ६ जनामा कोरोना संक्रमण देखिएको छ।

कर्णाली स्वास्थ्य विज्ञान प्रतिष्ठान जुम्लामा गरिएको परीक्षणमा दैलेखका एक सय ५ र मुगुका एक व्यक्तिमा कोरोना संक्रमण देखिएको प्रतिष्ठानले जनाएको छ।

दैलेखका संक्रमितमध्ये नारायण नगरपालिकाका ६९, देवलकाँडाका १२ ,सोतका ९, मानटाकुराका ७,साडुका २, भवानीका ५ र बासकोटमा १ जना रहेका छन्। 

त्यस्तै मुगुको खत्याडका एक जना रहेका छन्।

सोसहित कर्णाली संक्रमितको संख्या ३७५ पुगेको छ। 

साथै, दैलेखमामात्र संक्रमितको संख्या २ सय १० पुगेको छ।