प्रदेश २ मा थप ३४८ जनामा कोरोना संक्रमण पुष्टि

काठमाडौं, असार ३ :  प्रदेश २ मा पछिल्लो २४ घण्टामा ३४८ जनामा कोरानाको संक्रमण पुष्टि भएको छ। 

सोमबार जनकपुरस्थित प्रादेशिक अस्पतालको प्रयोगशालामा गरिएको परीक्षणमा ३४८ जनामा कोरोना संक्रमण पुष्टि भएको हो।

प्रदेश २ को सबैभन्दा बढी महोत्तरीमा मात्र दुई सयजना संक्रमित देखिएका छन्। त्यसैगरी रौतहटमा एक सय ११ जना, धनुषामा २६ जना, सर्लाहीमा ६ जना बारामा ४ र सिरहमा १ जनामा संक्रमण पुष्टि भएको छ।

योसँगै प्रदेश २ मा कोरोना संक्रमितको संख्या २७४६ पुगेको छ।