लकडाउनको मोडालिटी परिवर्तन गर्नेबारे छलफल गर्न मन्त्रिपरिषद् बैठक बस्दै

काठमाडौं, जेठ २६ : लकडाउनको मोडालिटी परिवर्तन गर्नेबारे छलफल गर्न आज प्रधानमन्त्री निवास बालुवाटारमा मन्त्रिपरिषद् बैठक बस्ने भएको छ।

प्रधानमन्त्रीका प्रेस सल्लाहकार सूर्य थापाका अनुसार साँझ ६ बजे कोरोना भाइरसको संक्रमण दर अनुसार लकडाउनको मोडालिटी परिवर्तन गर्नेबारे छलफल गर्न बैठक बस्न लागिएको हो।

यसअघिको बैठकले लकडाउनको परिवर्तित मोडालिटी तयार पार्न उच्चस्तरीय समन्वय समितिलाई निर्देशन दिएको थियो।