फिफा विश्वकपका लागि कोलम्बियन टोली घोषणा
रोड्रिगेज तेस्रोपटक विश्वकपमा सहभागिता जनाउँदै छन् । यसअघि, उनले सन् २०१४ र २०१८ को विश्वकप खेलेका थिए । २०२२ मा सम्पन्न पछिल्लो संस्करणमा भने कोलम्बिया छनोट हुन सकेको थिएन ।
काठमाडौं, जेठ १२ : लुइस डियाज र जेम्स रोड्रिगेजलाई समेट्दै फिफा विश्वकप–२०२६ का लागि कोलम्बियन टोलीको घोषणा भएको छ । मुख्य प्रशिक्षक नेस्टर लोरेन्जोले सोमबार २६ सदस्यीय टोली घोषणा गरेका हुन् ।
रोड्रिगेज तेस्रोपटक विश्वकपमा सहभागिता जनाउँदै छन् । यसअघि, उनले सन् २०१४ र २०१८ को विश्वकप खेलेका थिए । २०२२ मा सम्पन्न पछिल्लो संस्करणमा भने कोलम्बिया छनोट हुन सकेको थिएन ।
रोड्रिगेजले सन् २०१४ मा गोल्डेन बुट जितेका थिए । डियाजका लागि भने यो पहिलो विश्वकप हुनेछ ।
फिफा विश्वकप जुन १२ देखि जुलाई १९ सम्म अमेरिका, क्यानडा र मेक्सिकोमा हुँदै छ । समूह ‘के’मा कोलम्बिया, पोर्चुगल, उज्वेकिस्तान र डीआर कंगो छन् । कोलम्बियाले जुन १७ मा उज्वेकिस्तानसँग खेल्दै प्रतियोगिताको सुरुआत गर्नेछ । टोलीले जुन २३ मा कंगो र जुन २७ मा पोर्चुगलसँग खेल्नेछ ।
कोलम्बियन टोली
गोलकिपर : क्यामिलो वर्गास, डेभिड ओस्पिना, अल्भारो मोन्टेरो
डिफेन्डर : जोहान मोजिका, डेभर मचाडो, डेनियल मुनोज, सान्टियागो एरियास, डेभिन्सन सान्चेज, जोन लुकुमी, यारी मिना, विलर डिट्टा
मिडफिल्डर : जेफरसन लेर्मा, रिचर्ड रियोस, केभिन कास्टानो, जर्ज कारासकल, जेम्स रोड्रिगेज, जुआन फर्नान्डो क्विन्टेरो, गुस्ताभो पुएर्टा, जुआन क्यामिलो पोर्टिला, जोन एरियास, जमिल्टन क्याम्पाज
फरवार्ड : कार्लोस एन्ड्रेस गोमेज, लुइस सुआरेज, जोन कोर्डोबा, जुआन क्यामिलो हर्नान्डेज, लुइस डियाज
