काठमाडौं–३ बाट उम्मेदवारी दिएपछि राजु पाण्डेले भने– रास्वपाको बहुमत आउँछ

कामठाडौं, माघ ५ : काठमाडौं महानगरपालिकाका निवर्तमान प्रहरी प्रमुख राजु पाण्डेले फागुन २१ गते हुने प्रतिनिधिसभा सदस्य निर्वाचनको लागि राष्ट्रिय स्वतन्त्र पार्टी ९रास्वपा०बाट मनोनयन दर्ता गराएका छन्।

मंगलबार काठमाडौं निर्वाचन क्षेत्र नम्बर ३ बाट उनले मनोनयन दर्ता गराएका हुन्।

मनोनयन दर्तापछि सञ्चारकर्मीहरुसँगको कुराकानीमा उनले निर्वाचनमा रास्वपाको बहुमत आउने विश्वास व्यक्त गरे। त्यस्तै उनले सत्ताको फोहोरी खेलभन्दा पनि जनतालाई डेलिभरी गर्ने काममा आफूहरु लाग्ने प्रतिबद्धता जनाए।

‘हरेक जनप्रतिनिधिहरु जनताको समस्या पीडा बुझ्ने हुनुपर्छ। अबको सरकार भनेको बालेन सरकार हो। उहाँ एक्लैले गएर मात्र गर्न सक्ने अवस्थापनि छैन,’ उनले भने, ‘त्यसैले आगामी निर्वाचन मार्फत स्वतन्त्र पार्टीले बहुमत ल्याउँछ। एक ढिक्का भएर सत्ताको फोहोरी खेलभन्दा पनि जनतालाई डेलिभरी गर्ने काममा लाग्ने छौं।’

नयाँ परिवर्तनको लागि भएपनि एक पटक रास्वपालाई विश्वास गर्न उनले आग्रह गरे।

यो क्षेत्रमा उज्यालो नेपाल पार्टीका अध्यक्ष कुलमान घिसिङ, कांग्रेसका रमेश अर्याल, नेकपाका निरज लामाले उम्मेदवारी दिने छन्।