कांग्रेस कार्यवाहक सभापति खड्काले पत्रकार सम्मेलन गर्दै

काठमाडौँ, माघ २ : नेपाली कांग्रेसका कार्यवाहक सभापति पूर्णबहादुर खड्काले पत्रकार सम्मेलन गर्दैछन् । 

कांग्रेस केन्द्रीय कार्यालयका मुख्य सचिव कृष्णप्रसाद पौडेलका अनुसार आज दिउँसो दुई बजे केन्द्रीय कार्यालय सानेपामा पत्रकार सम्मेलन आयोजना गरिएको हो । पार्टीका महामन्त्रीद्धय गगन थापा र विश्वप्रकाश शर्मा समूहले विशेष महाधिवेशनबाट नयाँ कार्यसमिति घोषणा गरेपछि खड्काले पत्रकार सम्मेलन गर्न लागेका हुन् । 

यसअघि बसेको कांग्रेस केन्द्रीय कार्यसमिति बैठकले महामन्त्रीद्धय सहित सहमहामन्त्री फरमुल्लाह मन्सुरलाई कारबाही गरेको थियो । पार्टीमा उत्पन्न विवाद र नयाँ कार्यसमिति घोषणापछिको पार्टीको आधिकारिक धारणाका लागि पत्रकार सम्मेलनको आयोजना गरिएको बुझिएको छ ।