मधेशमा तीन मन्त्री नियुक्त, महेश यादव बने अर्थमन्त्री

जनकपुरधाम, मंसिर २१ : मधेस प्रदेशका नवनियुक्त मुख्यमन्त्री कृष्ण यादवले आइतबार तीनजना मन्त्री नियुक्त गरेका छन्।

मुख्यमन्त्री यादवले कांग्रेसका जंगीलाल राय यादव, जनमत पार्टी संसदीय दलका नेता महेश यादव र नेकपा एकीकृत समाजवादीबाट कनिश पटेललाई मन्त्री नियुक्त गरेका हुन्। 

उनीहरुमध्ये महेश यादवलाई अर्थमन्त्री बनाइएको छ। जंगीलाल र पटेललाई विनाविभागीय मन्त्री बनाइएको छ । 

आजै नवनियुक्त मन्त्रीहरूलाई प्रदेश प्रमुख डा.सुरेन्द्र लाभ कर्णले पद तथा गोपनीयताको सपथ गराएका छन्। मुख्यमन्त्री यादवले मंसिर २४ गते प्रदेशसभामा विश्वासको मत लिने भएका छन् ।