मुख्यमन्त्री यादवले २ बजेमात्र विश्वास मत लिने अडान लिएपछि प्रदेशसभा बैठक सारियो 

धनुषा, मंसिर १७ : मधेश प्रदेशसभा बैठक २ बजेका लागि सारिएको छ। 

मुख्यमन्त्री सरोजकुमार यादवले विश्वासको मत लिनका लागि आज बिहान साढे ८ बजेका लागि बैठक बोलाएको थियो। तर, २ घण्टासम्म पनि बैठक सुरु भएपछि बैठक २ बजेका लागि सारिएको हो। 

विपक्षी दलका प्रदेश सांसदहरू बिहानै ८ः३० बजे आएर प्रदेश सभामा कुरिरहेका थिए। 

मुख्यमन्त्री यादवले दिउँसो २ बजे विश्वासको मत लिने वातावरण बनाइदिन प्रदेश सभा सचिवालयलाई पत्र पठाएका थिए। मुख्यमन्त्री यादवकै अडान अनुसार आज दिउँसो दुई बजेसम्मका लागि प्रदेशसभा बैठक स्थगित गरिएको हो।