तीन नेगेटिभ सर्टिक ब्रेकपछि नेप्सेको कारोबार स्थगित

काठमाडौं, असोज २ : जेनजी आन्दोलनपछि खुलेको सेयर बजार एक घण्टामा बन्द भएको छ। 

बिहीबार कारोबार खुलेको एक घण्टामै तीन पटक नेगेटिभ सर्टिक ब्रेक लागेपछि कारोबार स्थगित गरिएको हो। 

बिहीबार कारोबार खुलेको २ मिनेटमै पहिलो सर्टिक लागेको थियो। जसमा नेप्से १०७.०४ अंकले घटेको थियो।

त्यसपछि २० मिनेटपछि खुलेको नेप्सेमा एक मिनेटमै दोस्रो सर्टिक लागेको थियो। समग्रमा ५ प्रतिशत नेप्से घटे या बढेपछि दोस्रो सर्किट लाग्छ। 

दोस्रो सर्किटपछि ४० मिनेटपछि पुनः कारोबार खुलेको थियो । तर, खुलेको एक मिनेटमै पुनः १ प्रतिशत नेप्से घटेपछि तेस्रो सर्किट लागेको थियो। त्यसपछि कारोबार बन्द गरिएको थियो। 

६ प्रतिशत घट्दा नेप्से परिसूचक १६० अंक घटेर २५११ मा कायम भएको छ। 

बिहीबार कुल करिब ४ मिनेट मात्रै कारोबार भयो। ७२ करोड ८७ लाख रुपैयाँको कारोबार भएको छ।