प्रधानमन्त्री ओली थाइल्याण्ड प्रस्थान [तस्बिरहरू]

काठमाडौं, चैत १९ : प्रधानमन्त्री केपी ओली थाइल्याण्ड भ्रमणका लागि गएका छन्। बिमस्टेक शिखर सम्मेलनमा सहभागी हुन उनी मंगलबार दिउँसो थाइल्याण्ड गएका हुन्। 

भ्रमणमा प्रधानमन्त्री ओलीसँगै प्रथम महिला राधिका शाक्य, परराष्ट्रमन्त्री डा. आरजु राणा देउवा, प्रधानमन्त्रीका मुख्य सल्लाहकार विष्णुप्रसाद रिमाल, आर्थिक–विकास सल्लाहकार डा.युवराज खतिवडा, नेपाल सरकारका मुख्यसचिव एकनारायण अर्याल रहेका छन्।

परराष्ट्र मन्त्रालयका सचिव अमृतबहादुर राई, प्रधानमन्त्रीका निजी चिकित्सक डा. दिव्यासिंह शाह, प्रधानमन्त्रीका प्रमुख स्वकीय सचिव राजेश बज्राचार्य, सुरक्षाकर्मी र सञ्चारकर्मीसहित २१ जना सदस्य रहेको प्रधानमन्त्रीको सचिवालयले जनाएको छ।

थाइल्याण्ड भ्रमणमा दुई वटा समझदारी पत्रमा हस्ताक्षर हुने तयारी छ। 

नेपालको कार्यकारी प्रमुखको थाइल्याण्डको औपचारिक भ्रमण ६५ वर्ष पछि हुन लागेको हो । प्रधानमन्त्री चैत २३ गते स्वदेश फर्किने कार्यक्रम छ।