Kathmandu Press

सिस्नेरी खोलामा नुहाउन गएका तीन बालकको मृत्यु

डुबेर मृत्यु हुनेमा सोही स्थानका श्यामबहादुर आचार्यका १२ वर्षीय छोरा सुसन आचार्य, १५ वर्षका भान्जाहरू प्रविन घोरासैनी र प्रविस घोरासैनी रहेको प्रहरीले जनाएको छ
सिस्नेरी खोलामा नुहाउन गएका तीन बालकको मृत्यु

हेटौंडा, चैत १८ : नुहाउने क्रममा खोलामा डुब्दा सोमबार मकवानपुरको सिस्नेरीमा तीन बालकको ज्यान गएको छ।

तिबालकहरु दिउँसो मकवानपुरको इन्द्रसरोवर गाउँपालिका–३, सिस्नेरीस्थित सिस्नेरी खोलामा नुहाउन गएका थिए । तिनैजनाको डुबेर मृत्यु भएको हो। 

Hardik ivf

डुबेर मृत्यु हुनेमा सोही स्थानका श्यामबहादुर आचार्यका १२ वर्षीय छोरा सुसन आचार्य, १५ वर्षका भान्जाहरू प्रविन घोरासैनी र प्रविस घोरासैनी रहेको प्रहरीले जनाएको छ । काभ्रे घर भएका प्रविन र प्रविस दुई दिनअघि मात्रै छुट्टी मामाघर आएका थिए। 

मामाघर आएका उनीहरु मामाको छोरा अर्थात् सुसनसँगै नुहाउनका लागि खोलामा गएका थिए। मृत्यु हुने प्रविन र प्रविस जुम्ल्याहा दाजुभाइ हुन् । 

अबेरसम्म पनि घर नफर्किएपछि परिवार हेर्न जाँदा खोलाको किनारमा कपडा र चप्पल भेटिएको थियो। बालकहरु नदेखेपछि खोजतलास गर्दा डुबेको अवस्थामा मृत भेटिएका हुन्। 

इलाका प्रहरी कार्यालय सिस्नेरीले जनाए अनुसार मृतक बालकहरुको पोष्टमार्टमका लागि हेटौंडा अस्पताल पठाउने तयारी भैरहेको छ।
 

प्रकाशित मिति: २०:१२ बजे, सोमबार, चैत १८, २०८१
NTCNTC
Jaga shaktiJaga shakti
प्रतिक्रिया दिनुहोस्