विश्वप्रकाशको प्रश्न– तीनकुने घटनाले सबैको हृदय दुख्यो, पूर्वराजाको किन दुखेन?

काठमाडौं, चैत १८ : नेपाली कांग्रेसका सांसद विश्वप्रकाश शर्माले तीनकुनेको घट्नामा सारा जनताको हृदय दुख्दा पूर्वराजा ज्ञानेन्द्र शाहको हृदय नदुखेको बताएका छन्। 

सोमबार प्रतिनिधिसभाको बैठकमा बोल्दै उनले राजा चाहियो भन्ने युवाहरुलाई ह्दय नदुख्ने कस्तो राजा परिकल्पना गर्दै हुनुहुन्छरु भन्दै प्रश्न गरे। 

‘शुक्रबारको घटनामा सबै राजनीतिक दलको वक्तव्य आएको छ । तोडफोड हुँदा सबैलाई दुख्यो। तर निर्मल निवासलाई दुखेन नागरिक मर्दैगर्दा धेरैलाई दुख्यो तर निर्मल निवासलाई दुखेन,’ उनले भने, ‘राजा चाहियो भन्ने युवाहरुलाई म भन्न चाहन्छु–तीनकुने घट्नाले तपाईको ह्दयलाई दुख्दै गर्दा  ह्दय नदुख्ने कस्तो राजा तपाईहरुले परिकल्पना गर्दै हुनुहुन्छरु’

महामन्त्री थापाले गणतन्त्रको विकल्प खोज्ने भन्दापनि यसको प्रकृयामा सुधार गर्नुपर्ने बताएका छन् । 

‘प्रधानमन्त्रीको कुर्सी केही वर्षदेखि यता तीनवटा नेताको मात्र वरीपरी घुम्न थाल्यो, राजा ल्याइयो भने उहाँहरुबाट मुक्ति हुन्छ भन्ने असन्तुष्टि रहेको छ। बुढो भएको नेतालाई त मतपत्रबाट बिदा गरौंला। तर गद्दीमा बसेको राजा कुनै मतपत्रबाट बिदा हुने संभावना छ?,’ उनले प्रश्न गरे।

गणतन्त्रको विकल्प राजतन्त्र फर्काउने प्रयास गर्नु बिग्रिएको मोटर बनाउन छाडेर गोरुगाडा चढ्न खोज्नु भएको बताए। 

‘आज कसैले गणतन्त्रको विकल्प खोज्दै छ भने बिग्रिएको मोटर बनाउन जोडेर गोरुगाडातर्फ फर्कने काम कसैले नसोचुन। युवाहरुलाई राजा ल्यायो भने देशको विकास हुन्छ भन्ने भ्रम छ। आजको युवा जमेको पोखरी जस्तो तेतृत्व चाहन्छ कि बगेको नदी जस्तोरु,’ उनले भने, ‘प्रधानमन्त्रीको कुर्सी केही वर्षदेखि यता तीनवटा नेताको वरीपरी घुम्न थाल्यो। राजा ल्याइयो भने उहाँहरुबाट मुक्ति हुन्छ । प्रश्न असन्तुष्टि छ। तर प्रकृया के तरु बुढो भएको नेतालाई त मतपत्रबाट बिदा गरौला तर गद्दीमा बसेको राजा कुनै मतपत्रबाट बिदा हुने छैन।’