तीनकुने घटनामा संलग्नलाई कारबाही हुन्छ : प्रधानमन्त्री ओली

काठमाडौं, चैत १८ : प्रधानमन्त्री केपी ओलीले तीनकुने घटनामा संलग्न जोसुकै भए पनि कारबाही हुने बताएका छन्।

सोमबार प्रतिनिधिसभा बैठकमा सम्बोधन गर्दै उनले उनले शुक्रबार राजावादीहरूको प्रदर्शनका क्रममा भएका सबै गतिविधि निन्दनीय र खेदजनक भएको जिकिर गरे।

‘यी सबै निन्दनीय र खेदजनक कार्य हुन्, यस्ता घटनामा संलग्नमाथि जुनसुकै तवरमा किन नहुन्, कडा प्रशासनिक कारबाही हुन्छ,’ उनले भने।

यस्तै, उनले १५ गते राजावादीहरूले आपराधिक घटना गरेको भन्दै पूर्वराजाले पनि उन्मुक्ति नपाउने बताए।

आपराधिक घटनामा संलग्न कसैले उन्मुक्ति पाउँदैन। यसमा पूर्वराजाले पनि पाउनुहुन्न। फेरि राजा बन्छु, व्यवस्था मास्छु भन्नेले यी सबै घटनामा आफ्नो धारणा सार्वजनिक गर्नुपर्दैन?,’ प्रधानमन्त्री ओलीले भने, मानिसलाई मर्नलाई दुरुत्षाहन गर्ने जनकमाण्डर, इतिहासले कुनमा फ्याँकेका व्यक्ति अभियानका संयोजक, धनजन लुटपाट गर्ने व्यक्ति चुपचाप कसरी हुनसक्छ।’

प्रधानमन्त्री ओलीले उनले सोही दिन समाजवादी मोर्चाले गरेको कार्य शान्तिपूर्ण भएको भन्दै दलहरूलाई धन्यवाद समेत दिएका छन्।