कन्टेनर पल्टिँदा पूर्व-पश्चिम राजमार्ग अवरुद्ध
हेटौंडा उपमहानगरपालिका-१५ चुरियामाईको उकालोमा प्रदेश-२-०३-००१ ख ६७८० नम्बरको मालबाहक कन्टेनर पल्टिँदा पूर्व-पश्चिम राजमार्ग पूर्णरुपमा अवरुद्ध भएको हो।
-1732769988.jpg)
मकवानपुर, मंसिर १३ : मकवानपुर र बाराको सिमानामा कन्टेनर पल्टिँदा पूर्व-पश्चिम राजमार्ग अवरुद्ध भएको छ।
हेटौंडा उपमहानगरपालिका-१५ चुरियामाईको उकालोमा प्रदेश-२-०३-००१ ख ६७८० नम्बरको मालबाहक कन्टेनर पल्टिँदा राजमार्ग पूर्णरुपमा अवरुद्ध भएको हो।
मोबिल बोकेको कन्टेनरले बाटो वारपार पूरै ढाकेकाले एक घण्टादेखि दर्जनौंको संख्यामा साना-ठूला सवारी गन्तव्यमा पुग्नबाट रोकिएका जिल्ला प्रहरी कार्यालय मकवानपुरका डिएसपी श्यामु अर्यालले जानकारी दिए।
डिएसपी अर्यालका अनुसार वीरगञ्जबाट काठमाडौं जाँदै गरेको कन्टेनर दुर्घटनामा चालक मनहरी गाउँपालिका–६ बस्ने ३० वर्षीय महेश मोक्तान घाइते भएका छन्। उनको उपचारका लागि हेटौंडा अस्पतालमा पठाइएको प्रहरीले जनाएको छ ।
कन्टेनरलाई पन्छाएर सडक खुलाउने प्रयास भइरहेको जिल्ला ट्राफिक प्रहरीले जनाएको छ।
प्रकाशित मिति: १२:१५ बजे, बिहीबार, मंसिर १३, २०८१
प्रतिक्रिया दिनुहोस्
थप समाचार
