राष्ट्रपतिले गरे चित्रलेखा यादवलाई अस्ट्रेलियाको राजदूतमा नियुक्त

काठमाडौं, मंसिर ९ । राष्ट्रपति रामचन्द्र पौडेलले आइतबार अस्ट्रेलियाका लागि नेपाली राजदूतमा चित्रलेखा यादवलाई नियुक्त गरेका छन् । 

राष्ट्रपति पौडेलले मन्त्रिपरिषद्को सिफारिस अनुरुप राजदूतमा नियुक्त गरेका हुन्।

संविधानको धारा २८२ को उपधारा १ बमोजिम सरकारको सिफारिसमा राष्ट्रपतिले राजदूत नियुक्त गर्ने व्यवस्था छ।

यस्तै, राष्ट्रपति पौडेलले आइतबारै सङ्घीय संसद्को प्रतिनिधि सभाका सचिव सुरेश अधिकारीले दिएको राजीनामा स्वीकृत गरेका छन् ।

सचिव अधिकारीले राष्ट्रपतिसमक्ष राजीनामा पेस गरेका थिए। सोमबारदेखि लागू हुनेगरी राजिनामा स्वीकृत भएको राष्ट्रपति कार्यालयले जनाएको छ।