वीरगञ्जबाट पोखरा जाँदै गरेको बस दुर्घटना, १७ जना घाइते

मकवानपुर, मंसिर ७ : मकवानपुरको हेटौंडामा बस दुर्घटना हुँदा १७ जना घाइते भएका भएका छन्। 

वीरगञ्जबाट पोखरा जाँदै गरेको ग २ ख १६२१  नम्बरको यात्रु बाहक बस ब्रेक फेल भई चुरियामाई मन्दिर नजिकै पर्ने पूर्व-पश्चिम राजमार्ग अन्तरगत रातोपाटे भन्ने स्थानमा दुर्घटना हुँदा भएको हो।

घाइतेमध्ये १ जनाको अवस्था गम्भीर रहेको छ।

मकवानपुर प्रहरीका अनुसार घाईते मध्ये बाराको पर्सैनी गाउँपालिका वडा नम्बर ३ का ९ वर्षकी जोनीशा कुमारी ठाकुरको अवस्था गम्भीर रहेको छ। उनको टाउकोमा चोट लागेको छ।

घाइतेहरूको हेटौँडा अस्पतालमा उपचार भइरहेको छ।