प्रसाईंविरुद्ध साइबर अपराधमा मुद्दा चलाइने

काठमाडौं, मंसिर ४ : मंगलबार भक्तपुरस्थित घरबाट पक्राउ परेको मेडिकल व्यवसायी दुर्गा प्रसाईंविरुद्ध विद्युतीय कारोबार ऐन, २०६३ बमोजिम मुद्दा चलाइने भएको छ।

उनीविरुद्ध सीआईबी मातहतकै साइबर क्राइम ब्युरोले मुद्दा चलाउने प्रहरीको केन्द्रीय अनुसन्धान ब्युरो (सीआईबी)का प्रवक्ता एसपी होविन्द्र बोगटीले जानकारी दिए।

प्रवक्ता बोगटीले म्याद थपका लागि जिल्ला अदालत काठमाडौं पठाउने र  उनलाई सिआईबीकै हिरासतमा राखेर उनलाई कारबाही अगाडि बढाइने बताए।

प्रसाईंले प्रधानमन्त्री विरुद्ध सामाजिक सञ्जालका माध्यमबाट भ्रम छरेका कारण त्यस कसुरमा आकर्षित हुने दफा बमोजिम मुद्दा अगाडि बढ्ने प्रवक्ता बोगटीको भनार्ईं छ।