नेपाली महिला टिमले जित्यो काभा बिच भलिबल उपाधि
भुटानको थिम्पुमा भइरहेको प्रतियोगितामा कमला पुन र मनीषा चौधरीको जोडीले उज्वेकिस्तान ए टिमलाई २–० को सोझो सेटमा हराउँदै उपाधि जितेकाे हो।
काठमाडाैं, साउन १९ : भुटानमा जारी काभा बिच भलिबल च्याम्पियनसिपको महिला तर्फकाे उपाधि नेपालको महिला टिमले जितेको छ।
भुटानको थिम्पुमा भइरहेको प्रतियोगितामा कमला पुन र मनीषा चौधरीको जोडीले उज्वेकिस्तान ए टिमलाई २–० को सोझो सेटमा हराउँदै उपाधि जितेकाे हो।
नेपालले उज्वेकपस्तान ए लाई २१–१७, २१–१४ ले पराजित गरेको हो। नेपाली टिमले खेलका पाँचै खेलमा एक सेट पनि नगुमाई उपाधि जितेको हो।
समूह चरणमा तीनवटै खेल जितेको कमला पुन र मनिषा चौधरीको नेपाली जोडीले शनिबारै भएको सेमिफाइनलमा उज्वेकिस्तान बी टिमलाई २१–१३, २१–१२ ले पराजित गर्दै फाइनल पुगेको थियो ।
आजै हुने पुरुषतर्फको फाइलनमा नेपालको मानबहादुर श्रेष्ठ र दिलबहादुर सुनारको जोडीले माल्दिभ्सको ए टिमसँग खेल्दैछ।
प्रकाशित मिति: १६:०८ बजे, शनिबार, साउन १९, २०८१
प्रतिक्रिया दिनुहोस्
थप समाचार
