एमालेले राष्ट्रिय सभामा १९ सिटमै उम्मेदवारी दिने

काठमाडौं, पुस २० : १९ सिटका लागि हुन लागेको राष्ट्रिय सभाको आसन्न निर्वाचनमा प्रमुख प्रतिपक्षी दल नेकपा एमालेले सबै सिटमा उम्मेदवारी दिने भएको छ।

पार्टी कार्यालय च्यासलमा शुक्रबार बसेको सचिवालय बैठकले १९ वटै सिटमा उम्मेदवारी निर्णय गरेको महासचिव शंकर पोखरेलले जानकारी दिए।

प्रदेशबाट सिफारिस भएका नामका बारेमा प्रारम्भिक छलफल भएको बताउँदै महासचिव पोखरेलले २३ गते १९ वटै उम्मेदवारको नाम सर्वाजनिक गर्ने तयारी भएको बताए।

राष्ट्रिय सभाको निर्वाचन माघ ११ गते हुँदैछ। उम्मेदवारी दर्ता गर्ने अन्तिम समय पुस २३ गते हो।