माइतीघरमा जनमत पार्टीका कार्यकर्तामाथि प्रहरीकाे धरपकट, अध्यक्ष सिके राउत पनि पक्राउ [तस्बिरहरू]

काठमाडौं, पुस १६ : काठमाडौंको माइतीघरमा धोती दिवस मनाउन जम्मा भएका जनमत पार्टीका अध्यक्ष एवम् सांसद सिके राउतसहितलाई प्रहरीले पक्राउ गरेको छ।

जनमत पार्टीको विद्यार्थी संगठनको आयोजनामा भएको कार्यक्रममा अध्यक्ष राउतसहित नेता कार्यकर्ता धोती लगाएर प्रदर्शनमा उत्रिएका थिए।

उनीहरूलाई प्रहरीले धरपकड गर्दै नियन्त्रणमा लिएको हो। प्रहरी र जनमतका कार्यकर्ताबीच धकेलाधकेल समेत भएको थियो। सरकारले माइतीघरसहित वरपरको क्षेत्रलाई निषेधित क्षेत्र घोषणा गरेको छ।

निषेधित क्षेत्रमा प्रदर्शन गरेको भन्दै प्रहरीले उनीहरूलाई पक्राउ गरेको हो।