उपरथी थापा रथीमा बढुवाका लागि सिफारिस 

काठमाडौं, पुस १२ : नेपाली सेनाका उपरथी निर्मलकुमार थापालाई रथीमा बढुवाका लागि सिफारिस गरिएको छ। 

नेपाली सेनाको बढुवा सिफारिस समितिले थापालाई बढुवा सिफारिस गर्ने निर्णय गरेको हो। उनलाई बढुवाको सिफारिससँगै ७ दिने सूचना पनि जारी गरिएको छ।

सूचनामा थापाविरुद्ध कुनै दाबी विरोध वा उजुरी भए बढुवा समितिमा ७ दिन भित्रमा दिन भनिएको छ। सेनाका रथी सिताराम खड्का अनिवार्य अवकासमा गएपछि रिक्त पदमा थापा बढुवा हुन लागेका हुन्।

थापा हाल राष्ट्रसंघीय शान्ति मिसन सिरियामा फोर्स कमाण्डरको रुपमा कार्यरत छन्।